Servizo de transporte para o traslado de alumnos e alumnas do programa de natación escolar na piscina cuberta climatizada e das persoas participantes nas andainas organizadas polo Servizo de Deportes do Concello

Volume anual de negocios do licitador que, referido ao ano de maior volume de negocio dos tres últimos concluídos, deberá ser de, polo menos unha vez, o valor anual medio do contrato, de xeito que deberá acreditarse un volume de negocios en calquera dos tres últimos anos igual ou superior a 13.864,68 euros. O volume anual de negocios do licitador ou candidato acreditarase por medio da presentación das súas contas anuais aprobadas e depositadas no Rexistro Mercantil, se o empresario estivese inscrito no devandito rexistro, ou ben, polas depositadas no rexistro oficial en que deba estar inscrito. Os empresarios individuais non inscritos no Rexistro Mercantil acreditarán o volume anual de negocios mediante os seus libros de inventarios e contas anuais legalizados polo Rexistro Merantil.

O importe anual acumulado no ano de maior execución sexa igual ou superior ao 70% da anualidade media do contrato (9.705,50 euros) Relación dos principais servizos de igual ou similar natureza ao obxecto do contrato, realizados nos últimos tres anos, indicando importe, datas e destinatario público ou privado dos mesmos, xunto cos certificados expedidos ou visados polo órgano competente, cando o destinatario sexa unha entidade do sector público, e cando o destinatario sexa un suxeito privado, mediante un certificado expedido por este ou, a falta deste certificado, mediante unha declaración do empresario acompañado dos documentos que obran en poder do mesmo que acrediten a realización da prestación, documentos que deberán acreditar o importe sinalado.