Pavimentación de camiños con formigón en A Lamosa, Casteláns, Godóns e Barcia de Mera

A solvencia económica e financeira do empresario: O criterio para a acreditación da solvencia económica e financeira será o volume anual de negocios do licitador ou candidato, que referido ao ano de maior volume de negocio dos tres últimos concluídos deberá ser polo menos unha unha vez e media do valor estimado do contrato. O volume anual de negocios do licitador ou candidato acreditarase por medio das súas contas anuais aprobadas e depositadas no Rexistro Mercantil, se o empresario estivese inscrito no devandito rexistro, e en caso contrario polas depositadas no rexistro oficial en que deba estar inscrito. Os empresarios individuais non inscritos no Rexistro Mercantil acreditarán o seu volume anual de negocios mediante os seus libros de inventarios e contas anuais legalizados polo Rexistro Mercantil.

A solvencia técnica ou profesional do empresario: Acreditatase mediante a relación de obras executadas nos últimos cinco anos, que sexan do mesmo grupo ou subgrupo de clasificación que o correspondente ao contrato, ou do grupo ou subgrupo máis relevante para o contrato se este inclúe traballos correspondentes a distintos subgrupos, cuxo importe anual acumulado no ano de maior execución sexa igual ou superior ao 70 por cento da anualidade media do contrato. A tal efecto a relación das obras executadas acreditarase mediante certificación de boa execución; estes certificados indicarán o importe, as datas e o lugar de execución das obras e precisarase se se realizaron segundo as regras polas cales se rexe a profesión e se se levaron normalmente a bo termo; de ser o caso, os ditos certificados serán comunicados directamente ao órgano de contratación pola autoridade competente. Non obstante, c